Pedra Quente: MEMBROS

Pedra Quente está formado por (de esquerda á dereita na foto do carro de vacas...)

Ramón, co seu acordeón, as súas armónicas, de cando en vez uns toques de frauta e cunha voz galega... lousamiana...

Che, co seu bombo e birimbaos feitos coas sús mans nas súa ferrería de Goiáns, na Luaña...

Juan, gaiteiro de Rois cun punteiro de "rock´n´roll" e un trombón cos que o toca todo... aínda que non se acorde dos títulos das pezas...

Alberto, da Logrosa, terra de Negreira... gaita, bombo ocasional e ghastador de cunchas...

Pibe, con orixe en San Cibrán da Baña, aínda que picheleiro de adopción... gaita, saxo e frautíns... non canta...

Rafa, frauta traveseira, tarrañolas e un chisco de mandolina e ocarina, bodhran... tampouco canta, a pesares de ser de Noia, terra de cantareiros...

Pío, (non sae nesta foto, pero si na do fondo grafiteiro nunha festa en Negreira), baixista da Logrosa afincado na cidade do Apóstolo... (a ver se ven ao próximo ensaio, oh...)

Jorge, (ás veces Xurxo) ghaiteiro residente en Edimburgo que ás veces faille caso á morriña e volta á súa casa de Noia... normalmente por Nadal...

Lucas, tamborileiro de Negreira... (tampouco sae nesta foto, pero si noutras... reconóceselle polo tamboril ao cinto).

Ás veces aparecen outros amigos... sempre son benvidos...
__________________________________________________

Pedra Quente actuou o pasado 14 de xuño, domingo, en San Martiño de Ermedelo... Aquí van unhas cuantas fotos do evento...

Despois da actuación, fomos comer á casa de Alfonso, no Barreiro, concello de Rois: tortillas, empanada, callos con gharbansos, cabrito, porco, postres, cafés e licores... unha enchenta...!!! Como son os da aldea!!!